Sagnakveld Kómedíuleikhússins - júlí
Kómedíuleikhúsið, Kómedíuleikhúsið, Haukadalur Directions
Sun 19.07.2026 20:00
Sagnakveld Kómedíuleikhússins er nýr viðburður í Sumarleikhúsi okkar. Boðið verður uppá eitt Sagnakveld í hverjum mánuði sumarsins og nú er komið að Sagnakveldi júlí mánaðar.
Sögutollur aðeins 3.000.- krónur
Miðasala á staðnum. Græni bar opinn og posi á staðnum.
Á Sagnakveldi Kómedíuleikhússins stíga þrír sagnamenn á svið en þó aðeins einn í einu. Hver sögumaður hefur 20 mínútur til að segja sína sögu. Ekki má nota skjávarpa eða önnur tæknitæki aðeins sögumaðurinn sjálfur og sagan hans alveg einsog í bastofunni hjá Gísla Súra í gamla daga. Söguefnið getur verið nánast hvað sem er og því verður þetta ávallt óvænt og söguleg stund.
Sagnamenn júlí mánaðar og söguefni þeirra eru:
Þórarinn Hannesson - Æskubrek á Bíldudal, leikir og dægradvöl barna fyrir tölvuöld.
Halla Signý Kristjánsdóttir - Segir af formæðrum sínum í Dýrafirði.
Peter Weiss - Segir all óvænta sögu.
Komum saman í sögudalnum Haukadal og njótum einstakra sagna í Haukadalsleikhúsinu.