Bíódagar - Bíótekið!

Árið er 1964 og Tómas, tíu ára drengur í Reykjavík, sér heiminn í gegnum kvikmyndirnar sem hann elskar. Kúrekar, hetjur og ævintýri hvíta tjaldsins blandast hversdagslífinu og verða leið fyrir lítinn strák til að skilja undarlegan heim fullorðna fólksins. Þegar drengurinn er sendur í sveit yfir sumartímann mætast kvikmyndafantasían og íslenskur veruleiki með áhrifamiklum hætti.

Bíódagar er hlý og nostalgísk uppvaxtarsaga í leikstjórn Friðriks Þórs Friðrikssonar sem hlotið hefur fjöldamörg verðlaun.

Hún dregur upp lifandi mynd af liðnum tíma, þar sem bíóferðir voru stórviðburður og gamlar hefðir tókust á við nýja tíma, sjónvarp og amerísk menningaráhrif.

*Sérstakur viðburður

Sýnd í Bíótekinu, sunnudaginn 13. september kl 17:00!