DIMMA á Selfossi

DIMMA rís nú upp aftur, tvíefld með nýja liðskipan og nýtt lag sem heitir Skarkali!

Lagið er það fyrsta sem heyrist frá DIMMU í heil 5 ár og gefur hugmynd um hverju fólk má eiga von á frá sveitinni á sjöundu breiðskífu hennar, sem nú er í vinnslu og væntanleg á næsta ári.

DIMMA hefur starfað í ýmsum myndum frá árinu 2003 og lengi verið ein vinsælasta rokksveit landsins, enda þekkt fyrir vandaðar lagasmíðar, öflugan flutning og kraftmikla framkomu á tónleikum.

Langt er um liðið síðan DIMMA lék síðast á Selfossi en þessir tónleikar verða sögulegir, enda þeir fyrstu á Sviðinu og fyrstu með nýrri liðskipan.

Þetta er því rokkviðburður sem þú vilt ekki missa af!