Hönnun og smíði reiðhjóla fyrir íslenska hálendið með Steve McGuire

Hvernig hannar maður hjól sem ræður við íslenskar ár og endalausar hálendisslóðir?

Bandaríski hjólasmiðurinn, hönnuðurinn og Íslandsvinurinn Steve McGuire heimsækir RVK Tónabíó áður en hann leggur af stað í sína þriðju hjólaferð yfir íslenska hálendið. Steve er stofnandi hins virta Handmade Bicycle Program við Háskólann í Iowa og hefur hannað og smíðað sérhæfð leiðangurshjól sem hafa hlotið alþjóðleg verðlaun.

Í þessari einstöku kynningu segir hann frá því hvernig list, verkfræði og ævintýraþrá mætast í hjólasmíði og hvers vegna Ísland hefur orðið hans stærsti innblástur.

Við fáum meðal annars að heyra um:

Hvernig leiðangurshjól eru hönnuð fyrir íslenskar aðstæður.

Handsmíði hjóla; hvernig list og verkfræði vinna saman.

Ævintýri Steve á íslensku hálendi og og verkefnin fram undan.

Viðburðurinn hentar öllum sem hafa áhuga á hjólreiðum, útivist, hönnun, handverki eða einfaldlega góðum sögum frá íslenskum óbyggðum.

Að lokinni kynningu verður opnað á spurningar.

Barinn verður að sjálfsögðu opinn og hægt verður að kaupa brakandi ferskan handverksbjór frá RVK Bruggfélagi og auk þess áfengislausa drykki í úrvali.

Aðgangur er ókeypis. Frjáls framlög renna óskipt til Landsbjargar.