Misþyrming, Morpholith & Afturganga í Tónabíó

Misþyrming, Morpholith og Afturganga bjóða upp á öfgarokkstónleika á Hrekkjavöku í Tónabíó. Svartmálmur, dómsmálmur og dauðarokk mun ráða ríkjum í Tónabíó 31. Október. Misþyrming hafa verið með stærstu svartmálmshljómsveitum landsins frá því að fyrsta breiðskífa þeirra, Söngvar Elds og Óreiðu, kom út fyrir ellefu árum og hafa spilað á helstu þungarokkshátíðum austan Atlandshafsins. Morpholith hafa verið kyndlaberar dómsmálmsins frá þeirra fyrstu tónleikum og verður allt sett á 11 á þessu kvöldi. Afturganga er upprennandi dauðarokkssveit sem skartar reynsluboltum frá senunni.